01:43  +04,  15 օգոստոսի, 2019

«Լիվերպուլը»՝ ՈւԵՖԱ-ի Սուպերգավաթակիր (տեսանյութ, ֆոտո)

Ստամբուլի «Բեշիկթաշ Արենա» ստադիոնում Չեմպիոնների լիգայի գավաթակիր «Լիվերպուլն» ու Եվրոպայի լիգայի գավաթակիր «Չելսին» վիճարկեցին ՈւԵՖԱ-ի Սուպերգավաթը: Հանդիպման հիմնական ժամանակն ավարտվեց ոչ-ոքի՝ 1:1 հաշվով: Լրացուցիչ ժամանակում թիմերը մեկական գոլ խփեցին, իսկ հաղթողը որոշվեց 11 մետրանոց հարվածաշարում, որտեղ ավելի դիպուկ գտնվեց Յուրգեն Կլոպի գլխավորած թիմը:

Խաղի հաշիվը 36-րդ րոպեին «Չելսիի» խորվաթ կիսապաշտպան Կրիստիան Պուլիշիչի փոխանցումից հետո բացեց ֆրանսիացի հարձակվող Օլիվյե Ժիրուն: 48-րդ րոպեին սենեգալցի հարձակվող Սադիո Մանեն խփեց պատասխան գոլը: Լրացուցիչ ժամանակի 5-րդ րոպեին Մանեն Ֆիրմինյոյի փոխանցումից հետո առաջ մղեց «Լիվերպուլին», իսկ 5 րոպե անց՝ 100-րդ րոպեին, «Չելսիի» բրազիլացի կիսապաշտպան Ժորժինյոն 11 մետրանոցից հաշիվը դարձրեց 2:2: Հետխաղյա 11 մետրանոց հարվածաշարում «Չելսիի» կազմից վրիպեց անգլիացի հարձակվող Թեմի Աբրահամը:

«Լիվերպուլն» ՈւԵՖԱ-ի Սուպերգավաթը նվաճում է չորրորդ անգամ: 

ՏԵՍԱՆՅՈՒԹ

«Լիվերպուլ» - «Չելսի»՝ 2:2 (5:4`11մ.)

Սադիո Մանե, 48, 95 - Օլիվյե Ժիրու, 36, Ժորժինյո, 100 (11մ.)

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ