Դունգան խնդրել է չբողոքարկել Նեյմարի որակազրկումը

Բրազիլիայի հավաքականի գլխավոր մարզիչ Կարլոս Դունգան կողմ է եղել «Բարսելոնայի» 23-ամյա հարձակվող Նեյմարի 4-խաղյա որակազրկմանը Չիլիում կայացած Ամերիկայի գավաթի 44-րդ խաղարկությունում: Այդ մասին հայտնել է Բրազիլիայի ֆուտբոլի կոնֆեդերացիայի գլխավոր քարտուղար Վալտեր Ֆելդմանը:

«Հավաքականի մարզչական կազմը կասկած չուներ եւ ոչ մի վայրկյան չպահանջեց բողոքարկել Նեյմարի որակազրկումը: Նրանց կարծիքով՝ այդ պատիժն օգտակար կլինի ֆուտբոլիստի համար»,- Վալտեր Ֆելդմանի խոսքը մեջբերում է Esporte Espectacular-ը:

Հիշեցնենք, որ Բրազիլիայի հավաքականի ավագը պատժվել էր Կոլումբիայի հավաքականից երկրորդ տուրում կրած պարտությունից հետո քաշքշուկին միջամտելու եւ կարմիր քարտ ստանալու պատճառով: Այդ որակազրկման պատճառով Նեյմարը բաց թողնեց Ամերիկայի Գավաթի փլեյ-օֆֆը, իսկ բրազիլացիները քառորդ եզրափակիչում պարտվեցին Պարագվայի հավաքականին: