Լոնդոնի «Չելսիի» նախկին հարձակվող Դիդյե Դրոգբան հուլիսի 14-ին ժամանել է Չինաստան: «Շանհայ Շենհուայի» նորեկին օդանավակայանում դիմավորել են 800 երկրպագուներ, որոնք 34-ամյա կոտդիվուարցուն ուղեկցել են մինչեւ ակումբի մարզաբազա:
«Ես սուպերմենը չեմ: Եթե մենք ցանկանում ենք հաղթել, պետք է լինենք միասնական եւ անդադար աշխատենք: Գումարն ամենակարեւորը չէ այս կյանքում: Ես եկել եմ այստեղ, քանի որ սա նոր փորձություն է իմ կարիերայում»,- մամուլի ասուլիսում նշել է Դրոգբան, հաղորդում է L'Equipe-ը:
Հիշեցնենք, որ կոտդիրվուարցին 2.5 տարվա պայմանագիր է կնքել չինական ակումբի հետ եւ կստանա շաբաթական 300 հազար եվրո աշխատավարձ:
Հետևեք NEWS.am SPORT-ին Facebook-ում, Twitter և Telegram-ում