«Մանչեսթեր Յունայթեդի» գլխավոր մարզիչ Ժոզե Մոուրինյոն պատմել է, որ երբեք չի քննարկել իսպանացի կիսապաշտպան Խուան Մատայի հեռանալու տարբերակը:
«Երբ եկա Մանչեսթեր, մարդիկ մտածեցին, որ Մատան խնդիրներ կունենա, սակայն ես գիտեի, որ նրան ոչինչ չի սպառնում: Հարցն այն է, որ ես ցանկանում էի, որ իմ «Չելսին» խաղա այլ ֆուտբոլ, իսկ իմ «Մանչեսթեր Յունայթեդը»՝ այլ:
Մատան հարմարվել է այն ֆուտբոլին, որը ես եմ պահանջում: Հենց սկզբից գիտեի, որ նա կլինի կարեւոր խաղացող: Մատան երջանիկ է ու գոհ, ինչը երեւում է նրա խաղում»,- պորտուգալացի մասնագետի խոսքը մեջբերում է Sportsmole-ը:
Հիշեցնենք, որ Մատան «Չելսիից» «Մանչեսթեր Յունայթեդ» էր տեղափոխվել 2014-ին, երբ լոնդոնյան ակումբը գլխավորում էր Մոուրինյոն:
Հետևեք NEWS.am SPORT-ին Facebook-ում, Twitter և Telegram-ում