Ուելսի հավաքականի առաջատար Գարեթ Բեյլը դժգոհ է Մադրիդի «Ռեալում» իր հանդեպ վերաբերմունքից եւ ցանկանում է հեռանալ, հաղորդում է Goal.com-ը:
Ուելսցի կիսապաշտպանը հիասթափվել է, որ թիմի գլխավոր մարզիչ Զինեդին Զիդանն իրեն փոխարինել է «Վիլյառեալի» դեմ Պրիմերայի 5-րդ տուրի խաղում, որն ավարտվել էր 1:1 հաշվով:
Բեյլին դուր չի գալիս այն հանգամանքը, որ Արքայական ակումբի նախագահ Ֆլորենտինո Պերեսը մինչեւ օրս նրան չի դարձրել թիմի գլխավոր հարձակվողը: Աղբյուրի համաձայն՝ ֆուտբոլիստն իր գործակալին խնդրել է բանակցություններ սկսել «Մանչեսթեր Յունայթեդի» հետ: Անգլիական ակումբը վաղուց է հետաքրքրված նրանով:
Հետևեք NEWS.am SPORT-ին Facebook-ում, Twitter և Telegram-ում