Ֆուտբոլի Իսպանիայի առաջնության 5-րդ տուրում տեղի ունեցած չեմպիոնության հավակնորդներից «Բարսելոնայի» եւ Մադրիդի «Աթլետիկոյի» դիմակայությունը «Կամպ Նոու» ստադիոնում: Գրանցվեց ոչ ոքի՝ 1:1:
Դաշտի տերերն առաջինը հասան հաջողության: 41-րդ րոպեին խորվաթ Իվան Ռակիտիչն աչքի ընկավ անկյունայինի խաղարկումից հետո:
59-րդ րոպեին աճուկի վնասվածքի պատճառով խաղադաշտից հեռացավ Լիոնել Մեսին: Նրան փոխարինեց «Աթլետիկոյի» նախկին խաղացող Արդա Թուրանը:
Նույն պահին կրկնակի փոփոխություն կատարեց մադրիդցիների արգենտինացի գլխավոր մարզիչ Դիեգո Սիմեոնեն: Խաղադաշտ դուրս եկած Ֆերնանդո Տորեսն ու Անխել Կոռեան արդեն մեկ րոպե անց ձեռնարկեցին արդյունավետ գրոհ եւ Կոռեան վերականգնեց հաշվի հավասարությունը:
«Բարսելոնան» 10 միավորով երրորդ տեղում է՝ 3 միավոր զիջելով առաջատար «Ռեալին» եւ 1 միավոր «Սեւիլիային»: «Աթլետիկոն» 9 միավորով չորրորդ տեղում է:
Իսպանիայի առաջնություն, 5-րդ տուր
«Բարսելոնա» - «Աթլետիկո»՝ 1:1
Իվան Ռակիտիչ, 41 - Անխել Կոռեա, 61
«Ռեալ Սոսյեդադ» - «Լաս Պալմաս»՝ 4:1
Վիլիան Ժոզե, 1, 53, 11մ, Կարլոս Վելա, 22, 11մ, Դավիդ Սուրուտուսա, 35 - Տանա, 56
Հեռացում՝ Կեւին-Պրինս Բոատենգ («Լաս Պալմաս»), 21
«Գրանադա» - «Աթլետիկ»՝ 1:2
Մեհդի Կարսելա-Գոնսալես, 44 - Ռաուլ Գարսիա, 15, Էմերիկ Լապորտ, 77
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում