Գերմանիայի հավաքականի եւ Դորտմունդի «Բորուսիայի» հարձակվող Մարկո Ռոյսը լիարժեք ապաքինվել է վնասվածքից եւ պատրաստ է խաղալ Գերմանիայի առաջնության 20-րդ տուրում Բեռլինի «Հերտայի» դեմ, հաղորդում է Bild-ը:
Մրսածությունից հետո լիարժեք մարզումներ է անցկացրել նաեւ կիսապաշտպան Իլկայ Գյունդոգանը եւ նույնպես պատրաստ է խաղին: Աճուկի վնասվածքից հետո վերականգնմանը մոտ է նաեւ կիսապաշտպան Նուրի Շահիննը:
Ռոյսը Բունդեսլիգայի ընթացիկ մրցաշարջանում անցկացրել է 14 հանդիպում, խփել է 9 գոլ, կատարել է 2 գոլային փոխանցում:
«Հերտա» - «Բորուսիա» հանդիպումը տեղի կունենա փետրվարի 6-ին եւ կմեկնարկի Երեւանի ժամանակով 18:30-ին:
Հետևեք NEWS.am SPORT-ին Facebook-ում, Twitter և Telegram-ում