Դորտմունդի «Բորուսիայի» գլխավոր մարզիչ Թոմաս Տուխելը մեկնաբանել է Եվրոպայի լիգայի խմբային մրցաշարի 5-րդ տուրում ռուսական «Կրասնոդարից» կրած պարտությունը:
«Փլեյ-օֆֆ մենք առանց այդ էլ դուրս կգայինք, բայց լուրջ էինք պատրաստվել այս հանդիպմանը: Բոլորը տեսան, թե ինչպես էինք պայքարում եւ գերիշխում գրեթե 90 րոպե: Հաշիվը հավասարեցնելու բազմաթիվ շանսեր ունեինք: Բայց հաջողությունը «Կրասնոդարի» կողմն էր: Ռուսական թիմում հանդես են գալիս տարբեր երկրների ազգային հավաքականների խաղացողներ: Չէի սպասում, որ իմ թիմն այսքան լավ կխաղա նրանց դեմ: Ես գոհ եմ մեր խաղից, բայց հաջողությունը ժպտաց «Կրասնոդարին»: Շնորհավորում եմ նրանց: Մրցակիցն արժանի էր հաղթանակի»,- Տուխելի խոսքը մեջբերում է Sport-express-ը:
Հիշեցնենք, որ «Բորուսիան» արտագնա խաղում պարտվել է նվազագույն հաշվով, Հայաստանի հավաքականի կիսապաշտպան Հենրիխ Մխիթարյանն անցկացրել է ամբողջ հանդիպումը:
Հետևեք NEWS.am SPORT-ին Facebook-ում, Twitter և Telegram-ում