Մադրիդի «Ռեալի» իսպանացի պաշտպան Սերխիո Ռամոսն ուսի վնասվածքի պատճառով ֆուտբոլային խաղադաշտից կբացակայի մոտ մեկ ամիս, գրում է Marca-ն:
Իսպանիայի հավաքականի 28-ամյա ֆուտբոլիստը չի ցանկանում վիրահատվել, այդ պատճառով կանցնի վերականգնողական փուլ: Ուսի վնասվածքը Ռամոսին անհանգստացնում է սեպտեմբերից, իսկ վերջին խաղերում նա հանդես է եկել ցավազրկումով: «Սեւիլիայի» հետ Իսպանիայի առաջնության 11-րդ տուրի արտագնա խաղում պաշտպանի ուսի վնասվածքը կրկնվել էր, սակայն նոյեմբերի 21-ին նա մասնակցեց «Բարսելոնայի» դեմ հանդիպմանը:
Իսպանիայի ընթացիկ առաջնությունում Ռամոսը մասնակցել է 6 խաղի, խփել է մեկ գոլ:
Հետևեք NEWS.am SPORT-ին Facebook-ում, Twitter և Telegram-ում