Հայաստանի հավաքականը Պորտուգալիայի Ֆարո քաղաքի «Ալգարվե» ստադիոնում բաց մարզում է անցկացրել հորդարատ անձրեւի եւ քամու տակ: Բացառությամբ մկանային վնասվածք ունեցող Դավիթ Մանոյանի, մարզվել են բոլոր ֆուտբոլիստները: Մանոյանը չի մասնակցի նոյեմբերի 14-ի հանդիպմանը: Վնասվածք է ստացել Հրայր Մկոյանը, որը չի կարողացել ավարտին հասցնել մարզումը, սակայն սպասվում է, որ նա դուրս կգա խաղադաշտ:
Հավաքականին աջակցելու էին եկել ՖԱՖ ֆուտբոլային շարժման անդամները, նաեւ հայեր Եվրոպայի տարբեր երկրներից եւ ԱՄՆ-ից:
Հայաստանի թիմի հավանական մեկնարկային կազմը. Ռոման Բերեզովսկի - Ռոբերտ Արզումանյան, Հրայր Մկոյան, Վարազդատ Հարոյան, Լեւոն Հայրապետյան, Կամո Հովհաննիսյան - Արթուր Եդիգարյան, Գեւորգ Ղազարյան, Մարկոս Պիզելի, Հենրիխ Մխիթարյան - Յուրա Մովսիսյան:
Նոյեմբերի 14-ին կայանալիք Պորտուգալիա - Հայաստան հանդիպումը կմեկնարկի Երեւանի ժամանակով 23:45-ին:
Վերա Մարտիրոսյան՝ Ֆարոյից
Տեսանյութի պատրաստմանն աջակցել է «Արայ» ընկերությունը
Հետևեք NEWS.am SPORT-ին Facebook-ում, Twitter և Telegram-ում