«Մանչեսթեր Յունայթեդի» գլխավոր մարզիչ Լուի վան Գալը շնորհակալություն է հայտնել անգլիական ակումբի ղեկավարությանը, որը շարունակում է վստահել նրան՝ չնայած անհաջող մեկնարկին: 63-ամյա մասնագետը նշել է, որ նմանատիպ իրավիճակ չէր կարող լինել Մյունխենի «Բավարիայում», որտեղ նա աշխատել է 2009-2011-ը:
«Բավարիայում» ինձ արդեն հեռացրած կլինեին: Իսկ ի՞նչ են անում «Մանչեսթեր Յունայթեդում», շարունակում են գնել ֆուտբոլիստների: Այստեղ շարունակում են վստահել ու աջակցել ինձ»,- Վան Գալի խոսքը մեջբերում է De Telegraaf-ը:
Հիշեցնենք, որ Անգլիայի 20-ակի չեմպիոնը Վան Գալի գլխավորությամբ դեռ չի հաղթել այս մրցաշրջանի պաշտոնական խաղերում: Պրեմյեր լիգայում մանչեսթերցիները պարտվել են ուելսյան «Սուոնսիին» եւ ոչ ոքի են խաղացել «Սանդերլենդի» ու «Բարնլիի» հետ, իսկ Անգլիական լիգայի գավաթի խաղարկության 1/32 եզրափակիչում 0:4 հաշվով սենսացիոն պարտություն են կրել երրորդ դիվիզիոնի ներկայացուցիչ «Միլթոն Քինս Դոնս» ակումբից:
Հետևեք NEWS.am SPORT-ին Facebook-ում, Twitter և Telegram-ում