Ֆուտբոլի Ուկրաինայի առաջնությունում անցկացրած առաջին հանդիպումից հետո Հայաստանի հավաքականի եւ Դոնեցկի «Մետալուրգի» կիսապաշտպան Ռումյան Հովսեփյանը մեկնաբանել է նորամուտը:
«Շնորհակալություն եմ հայտնում թիմակիցներիս, որոնք օգնեցին նոր թիմում անցկացնել առաջին հանդիպումս: Ուկրաինան ունի ուժեղ առաջնություն: Առաջին խաղում կաշկանդվածություն կար գործողություններիս մեջ: Բայց ամեն ինչ լավ էր, ամեն ինչ կարգին էր: Հարմարվելու եւ առավելագույն մակարդակի հասնելու համար հստակ ժամանակ չեմ կարող նշել, բայց շուտով կլինի»,- Հայաստանի հավաքականի ֆուտբոլիստի խոսքը մեջբերում է «Մետալուրգի» կայքը:
Ուկրաինայի առաջնության 5-րդ տուրում Ռումյան Հովսեփյանը եղել է «Մետալուրգի» մեկնարկային կազմում եւ անցկացրել է 82 րոպե:
Ուկրաինայի առաջնություն, 5-րդ տուրում
«Մետալուրգ» - «Մետալիստ»՝ 1:1
Անտոն Պոստուպալենկո, 83 – Կլեյտոն Խավյեր, 13
Հեռացում՝ Էդուարդ Սոբոլ, 90 («Մետալուրգ»)
Հետևեք NEWS.am SPORT-ին Facebook-ում, Twitter և Telegram-ում