Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանը մեկնաբանել է Մյունխենի «Բավարիայի» նկատմամբ տարած հաղթանակը Գերմանիայի Սուպերգավաթի խաղում։
«Միշտ փորձում եմ իմ լավագույն խաղը ցուցադրել։ Դա կարեւոր է ոչ միայն թիմի, այլեւ ինձ համար։ Միշտ ցանկանում եմ որքան հնարավոր է շատ օգուտ տալ «Բորուսիային»,- 25-ամյա ֆուտբոլիստի խոսքը մեջբերում է «Բորուսիայի» պաշտոնական կայքը։
Հիշեցնենք, որ դորտմունդցիները հաղթել էին 2։0 հաշվով՝ դառնալով Գերմանիայի 6-ակի սուպերգավաթակիր։ Հայաստանի հավաքականի կիսապաշտպանը բացել էր հանդիպման հաշիվը։
Հետևեք NEWS.am SPORT-ին Facebook-ում, Twitter և Telegram-ում