Ծաղկաձորում ավարտվեց «Լավագույն մարզական ընտանիք-2014» մրցույթը, որի եզրափակիչ փուլը կայացավ հուլիսի 27-ին: Մրցույթն անցկացվել է 4 տարիքային խմբերում՝ 6-8, 9-11, 12-14, 14-16 տարեկան երեխաներ ունեցող ընտանիքների միջեւ:
«Լավագույն մարզական ընտանիք-2014» մրցույթի եզրափակիչ փուլի 6-8 տարեկան երեխաներ ունեցող տարիքային խմբում հաղթող է ճանաչվել է Այվազյանների ընտանիքը՝ Լոռու մարզից: 9-11 տարեկանների տարիքային խմբի հաղթողը Գեղամյանների ընտանիքն է Շիրակի մարզից: 12-14 տարեկանների տարիքային խմբում հաղթողի կոչումը նվաճել է Ուդումյանների ընտանիքը Կոտայքի մարզից: 14-16 տարեկանների տարիքային խմբի հաղթողը Արարատի մարզի Սահակյանների ընտանիքն էր:
Լավագույն մարզական ընտանիք մրցույթի եզրափակիչ փուլում հաշմանդամ ունեցող ընտանիքների մրցաշարում հաղթող է ճանաչվել Լոռու մարզի Նաղաջյանների ընտանիքը:
«Լավագույն մարզական ընտանիք մրցույթի» եզրափակիչ փուլում 4 տարիքային խմբերում ընդհանուր հաշվարկով առավելագույն միավորներ հավաքած երրորդ տեղի գավաթով պարգեւատրվեց Կոտայքի մարզը: Գավաթը ստացավ Կոտայքի մարզպետ Արամ Հարությունյանը: Երկրորդ տեղը զբաղեցրեց Շիրակի մարզը, իսկ գավաթը ստացավ Շիրակի մարզպետ Ֆելիքս Ցոլակյանը: Ընդհանուր հաշվարկում առաջատարը Երեւան քաղաքն էր: Գավաթը հանձնվեց Երեւանի քաղաքապետ Տարոն Մարգարյանին:
Լավագույն մարզական ընտանիքի մրցանակները հանձնեց Հայաստանի նախագահ Սերժ Սարգսյանը: Առանձին դրամական պարգեւներ հանձնեց նաեւ ՀԱՕԿ նախագահ Գագիկ Ծառուկյանը՝ մրցույթի ամենակրտսեր մասնակիցներին:
Մրցույթի մյուս մասնակիցներին հանձնեցին մարզահագուստ, իսկ մասնակից բոլոր երեխաներին կազմակերպիչները նվիրեցին մեծ փափուկ խաղալիքներ:
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում
12:57 , 6 մայիսի 
12:09 , 6 մայիսի 
11:41 , 6 մայիսի 
11:19 , 6 մայիսի 
10:58 , 6 մայիսի 
10:29 , 6 մայիսի 
09:42 , 6 մայիսի 
09:26 , 6 մայիսի 
00:42 , 6 մայիսի 
23:56 , 5 մայիսի 
