Ֆրանսիացի ֆուտբոլիստներ Զավեն Բուլուտը եւ Ռոբին դի Լաուրոն համալրեցին «Արարատի» կազմը: Կիսապաշտպան Բուլուտի պայմանագիրը նախատեսված է մեկ, իսկ հարձակվող դի Լաուրոյինը` երկու տարով, հաղորդում է «Արարատի» կայքը:
22-ամյա Բուլուտը հանդես է եկել ֆրանսիական «Սենտ Էթյեն» ակումբի երկրորդ թիմում, ինչպես նաեւ` Ֆրանսիայի Մ-17 պատանեկան հավաքականի կազմում:
25-ամյա դի Լաուրոն հանդես է եկել ֆրանսիական «Լանս» ակումբի երկրորդ թիմում, ինչպես նաեւ` տեղի «Պաու» եւ «Իստր» թիմերի կազմում: Երկու ֆուտբոլիստների վերջին ակումբն էր Մարսելի հայ համայնքի «Արձիվը»:
Բուլուտն ու Դի Լաուրոն մասնակցեցին Թբիլիսիում անցկացված «Արարատի» ուսումնամարզական հավաքին:
Հետևեք NEWS.am SPORT-ին Facebook-ում, Twitter և Telegram-ում