Նորվեգիայի Տրոմսե քաղաքում կայանալիք շախմատի Համաշխարհային օլիմպիադայի անցկացումը չի հետաձգվի։ Այդ մասին հայտնել է Շախմատի միջազգային ֆեդերացիայի (ՖԻԴԵ) նախագահ Կիրսան Իլյումժինովը։
Մինչ այդ հաղորդվում էր, որ Օլիմպիադան կարող է հետաձգվել հայտերի ուշ ներկայացման, ինչպես նաեւ ֆինանսական խնդիրների պատճառով։
«Օլիմպիադան կանցկացվի Տրոմսեում։ ՖԻԴԵ-ի գլխավոր ասամբլեան կայացրել է նման որոշում, եւ խոսակցությունները պետք է դադարեն»,- Իլյումժինովի խոսքը մեջբերում է Chessdom.com-ը։
Հիշեցնենք, որ Համաշխարհային օլիմպիադային կմասնակցի նաեւ եռակի չեմպիոն Հայաստանի հավաքականը։
Հետևեք NEWS.am SPORT-ին Facebook-ում, Twitter և Telegram-ում