Հայաստանի հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանը հունվարի 21-ին նշում է ծննդյան 25-ամյակը: NEWS.am Sport-ի թղթակցի հետ զրույցում Հենրիխ Մխիթարյանին շնորհավորել են Արկադի Անդրեասյանը, Արթուր Եդիգարյանը եւ Գեւորգ Ղազարյանը:
Արկադի Անդրեասյան
«Ես ցանկանում եմ Հենրիխին առաջին հերթին միշտ լինել առողջ: Նա այս տարի շատ կարեւոր եւ դժվար խաղեր ունի Չեմպիոնների լիգայում: Մաղթենք նրան հաջողություն: Բնականաբար, նրա մտերիմներին շնորհավորում եմ: Միշտ ուրախանանք նրա հաջողություններով»:
Արթուր Եդիգարյան
«Հենոն շատ լավ ընկեր ու շատ լավ մարդ է: Դրա համար էլ հաջողությունն ուղեկցում է նրան իր ողջ կյանքի ընթացքում: Դա գալիս է նրա դաստիարակությունից: Գենետիկորեն եկել է, նրա հայրը շատ լավ մարդ է եղել: Ճանաչում եմ նրա մայրիկին: Ցանկանում եմ նրան նորանոր հաջողություններ»:
Գեւորգ Ղազարյան
«Շնորհավորում եմ Հեն ջան: Ցանկանում եմ լինես առողջ ու հաջողակ: Հպարտանում եմ քեզնով, որպես մեծ ֆուտբոլիստ եւ լավ մարդ ու ամենակարեւորը ինձ համար լավ ընկեր: Վստահ եմ, որ այս տարի կկրկնապատկես հաղթանակներդ, գոլերդ եւ մրցանակներդ»:
Վերա Մարտիրոսյան
Հետևեք NEWS.am SPORT-ին Facebook-ում, Twitter և Telegram-ում