Չեչնիայի ղեկավար Ռամզան Կադիրովը որպես պատիժ ռինգում ծեծել է Չեչնիայի սպորտի նախարարին: Ապրիլի 22-ին Կադիրովն այցելել է Չեչնիայի Հանրապետության Ֆիզիկական կուլտուրայի եւ սպորտի նախարարություն, բայց դժգոհ է մնացել շենքի վիճակից: Դրա պատճառով Կադիրովը որոշել է պատժել սպորտի նախարար Սալամբեկ Իսմաիլովին՝ նրան հրավիրելով ռինգ:
«Մեր սպարինգի ընթացքում ես «նուրբ» ձեւով հասկացրի նրան, որ պետք է գլխով աշխատել: Իր սխալները նախարարը սկսեց ուղղել արդեն այս երեկո, այդ իսկ պատճառով ես նրան թույլ տվեցի պաշտպանիչ գլխակ կրել: Ի վերջո, մենք վաղն աշխատանքի ենք»,- Instagram-ի իր միկրոբլոգում գրել է Կադիրովը:
Հետևեք NEWS.am SPORT-ին Facebook-ում, Twitter և Telegram-ում