Միջազգային օլիմպիական կոմիտեն արգելել է Ռուսաստանի եւ Բելառուսի մարզիկներին մասնակցել 2024թ․ Փարիզի Օլիմպիական խաղերի բացման հանդիսավոր արարողությանը, հաղորդում է tass.ru-ն։
«Ռուսաստանի եւ Բելառուսի մարզիկները չեն մասնակցի մարզիկների շքերթին։ Այդ որոշումն ընդունվել է միաձայն։ Բայց նրանք հնարավորություն կունենան ներկա լինել Խաղերի բացմանը»,- ասել է ՄՕԿ-ում Ազգային օլիմպիական կոմիտեների հետ կապերի դեպարտամենտի տնօրեն Ջեյմս Մաքլեոդը։
Ռուսաստանի եւ Բելառուսի ներկայացուցիչները հանդես կգան չեզոք կարգավիճակում, առանց դրոշի եւ ազգային գույների։
Փարիզի Օլիմպիական խաղերը կանցկացվեն հուլիսի 26-ից օգոստոսի 11-ը։
Հետևեք NEWS.am SPORT-ին Facebook-ում, Twitter և Telegram-ում