«Ալաշկերտի» կազմը համալրել է Գվինեա Բիսաուն ներկայացնող կենտրոնական կիսապաշտպան Միմիտո Ռոշան, հաղորդում է երեւանյան ակումբի մամուլի ծառայությունը։
25-ամյա ֆուտբոլիստը 3 մրցաշրջան անցկացրել է պորտուգալական «Վիտորիա Գիմարայեշի», 2 մրցաշրջան՝ պորտուգալական «Ակադեմիկայի» կազմում:
Միմիտոն հանդես է եկել նաև հունական «Պանաիտոլիկոս», բուլղարական «Չեռնո Մորե» թիմերում, իսկ նրա նախորդ ակումբը ռումինական «Արջեշն» էր:
Գվինեա Բիսաուի ազգային հավաքականի անդամ Միմիտոն ժամանակին ներկայացրել է Պորտուգալիայի Մ-19 (2 խաղ) և Մ-20 (6 խաղ) հավաքականները։
Հետևեք NEWS.am SPORT-ին Facebook-ում, Twitter և Telegram-ում