Հայաստանի հավաքականի ներկայացուցիչ Արթուր Դավթյանը 9-րդ տեղն է գրավել Քաթարի մայրաքաղաք Դոհայում ընթացող սպորտային մարմնամարզության աշխարհի առաջնության բազմամարտի մրցաշարում:
Անհատական բազմամարտի մրցաշարում հայ մարզիկը հավաքել է 83.140 միավոր եւ նախավերջին արդյունքը գրանցել եզրափակիչում:
Չեմպիոնի տիտղոը նվաճել է ռուսաստանցի Արթուր Դալալոյանը, որը 1999 թվականից հետո անհատական բազմամարտում առաջին չեմպիոնական տիտղոսն է պարգեւել Ռուսաստանին:
Հիշեցնենք, որ սպորտային մարմնամարզության պատմության մեջ առաջին անգամ Հայաստանի 3 ներկայացուցիչ դուրս է եկել եզրափակիչ: Արթուր Թովմասյանը եւ Վահագն Դավթյանը նոյեմբերի 2-ին կմասնակցեն օղակների վարժության եզրափակիչին, իսկ Արթուր Դավթյանը նոյեմբերի 3-ին ուժերը կփորձի նաեւ հենացատկում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։