Մեսի. Կցանկանայի վերադառնալ Արգենտինա, բայց այնտեղ կարող են սպանել՝ ցանկանալով կողոպտել

18:49   7 դեկտեմբերի, 2017

«Բարսելոնայի» եւ Արգենտինայի հավաքականի առաջատար Լիոնել Մեսին խոստովանել է, որ հայրենիք վերադառնալուն վերապահումով է մոտենում երկրում տիրող քրեածին իրավիճակի պատճառով:

«Շատ տհաճ է տեսնել, որ Արգենտինայում կարող են սպանել՝ ցանկանալով կողոպտել: Ես բազմիցս ասել եմ, որ երազում եմ «Նյուելս Օլդ Բոյզի» մասին, բայց չգիտեմ, թե ինչպես կդասավորվի կյանքը:

Արգենտինայում կյանքը կասկածներ է առաջացնում: Ցանկանում եմ, որ իմ երեխաները վայելեն անվտանգ, հանգիստ կյանքը»,- Մեսիի խոսքը մեջբերում է Marca-ն:

Հիշեցնենք, որ Մեսին երկարաձգել է պայմանագիրը «Բարսելոնայի» հետ մինչեւ 2021 թվականը՝ դառնալով աշխարհի ամենաբարձր վարձատրվող ֆուտբոլիստը: Վերջերս Արգենտինայի մայրաքաղաք Բուենոս Այրեսում կոտրել էին ֆուտբոլիստի բրոնզաձույլ արձանը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։