Հայաստան - Ուզբեկստան խաղը չի կայանա ահաբեկչության վտանգի պատճառով
15:41 20 հունվարի, 2017Հայաստանի ֆուտբոլի ֆեդերացիան պարզաբանել է, թե ինչու է չեղյալ հայտարարել Ուզբեկստանի ազգային հավաքականի դեմ Թուրքիայի Անթալիա քաղաքում նախատեսված ընկերական խաղը:
«Հաշվի առնելով այն հանգամանքը, որ վերջին շրջանում Թուրքիայի տարածքում հաճախակի բնույթ են կրում ահաբեկչական ակտերը, անվտանգության նկատառումներից ելնելով, Հայաստանի ֆուտբոլի ֆեդերացիան որոշում է կայացրել հրաժարվել Ուզբեկստանի հավաքականի հետ ընկերական հանդիպումից»,- նշված է ՀՖՖ-ի հայտարարությունում:
Հիշեցնենք, որ Հայաստանի եւ Ուզբեկստանի հավաքականների միջեւ հանդիպումը պետք է կայանար փետրվարի 12-ին: Հայաստանի հավաքականի գլխավոր մարզիչ Արթուր Պետրոսյանը հայտնել էր, որ հայկական թիմը խաղալու է Բարձրագույն խմբում հանդես եկող ֆուտբոլիստներով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։