Ռիո-2016. Հայաստանը նահանջել է մեդալային հաշվարկում (աղյուսակ)

11:06   19 օգոստոսի, 2016

Ռիո դե Ժանեյրոյում շարունակվող ամառային Օլիմպիական խաղերում օգոստոսի 18-ին վիճարկված մեդալների 24 հավաքածուներից հետո Հայաստանը մեդալային հաշվարկում նահանջել է մեկ աստիճան եւ հայտնվել 37-րդ տեղում: Հայաստանը մրցումային 13-րդ օրը ներկայացուցիչ չուներ եւ ունի 4 մեդալ՝ 1 ոսկե, 3 արծաթե:

Մեդալային հաշվարկի առաջատարի դիրքը պահպանում է ԱՄՆ-ը, որի մարզիկները նվաճել են 35 ոսկե, 33 արծաթե ու 32 բրոնզե մեդալ:

Երկրորդ տեղում գտնվող բրիտանացիներն ունեն 22 ոսկե, 21 արծաթե եւ 13 բրոնզե մեդալ, իսկ երրորդ տեղում է Չինաստանը՝ 20 ոսկի, 16 արծաթ, 22 բրոնզ: Գերմանիան շրջանցել է ուսներին եւ 13 ոսկե, 8 արծաթե ու 11 բրոնզե մեդալով բարձրացել չորրորդն տեղ: Ռուսաստանը 5-րդն է, իսկ Ադրբեջանը 4 արծաթե եւ 6 բրոնզե մեդալով 56-րդ տեղում է:

Հիշեցնենք, որ օգոստոսի 16-ին գյումրեցի ըմբիշ Արթուր Ալեքսանյանն օլիմպիական չեմպիոն էր դարձել հունահռոմեական ոճի ըմբշամարտի մրցաշարի 98 կգ քաշային կարգում, 66 կգ քաշային Միհրան Հարությունյանը կողմնակալ մրցավարության պատճառով պարտվել էր եզրափակիչում եւ բավարարվել արծաթե մեդալով իսկ գերծանր քաշային ծանրորդ Գոռ Մինասյանը նվաճել էր Հայաստանի չորրորդ մեդալը՝ դառնալով օլիմպիական փոխչեմպիոն: Օգոստոսի 15-ին էլ 19-ամյա ծանրորդ Սիմոն Մարտիրոսյանը երկրորդ տեղն էր գրավել 105 կգ քաշային կարգում՝ նվաճելով Հայաստանի առաջին մեդալը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։