Ռիո-2016. Հարություն Մերդինյանը եզրափակիչում է, Արթուր Դավթյանը լքեց պայքարը
04:33 7 օգոստոսի, 2016Հարություն Մերդինյանը նվաճեց Ռիո դե Ժանեյրոյում ընթացող 31-րդ ամառային Օլիմպիական խաղերի սպորտային մարմնամարզության եզրափակիչի ուղեգիր եւ կպայքարի մեդալի համար:
Նժույգի վարժության որակավորման փուլում Եվրոպայի գործող չեմպիոն, աշխարհի 2015թ. առաջնության բրոնզե մեդալակիր Մերդինյանը հավաքեց 15.583 միավոր եւ զբաղեցրեց չորրորդ տեղը:
Արթուր Դավթյանը հենացատկում գրանցեց 14.566 միավորով եւ, գրավելով 11-րդ տեղը, լքեց պայքարը: Որակավորման փուլից եզրափակիչ են դուրս գալիս 1-8-րդ տեղերը գրաված մարմնամարզիկները: Եզրափակիչը տեղի կունենա օգոստոսի 14-ին:
Հիշեցնենք, որ օգոստոսի 6-ին Հայաստանի մարզիկներից պայքարի մեջ էին մտել նաեւ բռնցքամարտիկ Արթուր Հովհաննիսյանը եւ ձյուդոիստ Հովհաննես Դավթյանը, որոնք հաջող հանդես չէին եկել: Հովհաննիսյանը 49 կգ քաշայինների մեկնարկային մենամարտում 27:30 (0:3) հաշվով պարտվել էր իսպանացի Սամուել Հարմոնա Հերերային եւ լքել պայքարը, իսկ 60 կգ քաշային Դավթյանը մեկ հաղթանակ տանելուց հետո պարտվել էր ռուսաստանցի Բեսլան Մուդրանովը, որը հաղթել էր յուկոյով եւ պայքարից դուրս թողեց հայ մարզիկին: Բեսլան Մուդրանովը հաղթել էր այդ քաշային կարգում՝ նվաճելով Ռուսաստանի առաջին ոսկե մեդալը Ռիո-2016-ում:
Օգոստոսի 7-ին Հայաստանի ներկայացուցիչներից կմեկնարկեն մարմնամարզիկ Հուռի Գեբեշյանը եւ 69 կգ քաշային բռնցքամարտիկ Վլադիմիր Մարգարյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.