Մադրիդի «Ռեալի» եւ Պորտուգալիայի հավաքականի հարձակվող Կրիշտիանու Ռոնալդուն Եվրո-2016-ի ընտրական խաղում Հայաստանի նկատմամբ կամային հաղթանակից հետո ֆեյսբուքյան էջում տեսաուղերձի միջոցով պատմել է տպավորությունների մասին:
«Սա շատ տպավորիչ պահ էր: Մենք կարեւոր քայլ արեցինք դեպի Եվրո-2016-ը տանող ընտրական փուլում: Ցանկանում եմ բոլորին շնորհակալություն հայտնել ինձ եւ մեր ազգային թիմին աջակցելու համար»,- ասել է Ռոնալդուն:
Հիշեցնենք, որ Երեւանի «Հանրապետական» ստադիոնում հունիսի 13-ին կայացած խաղում Պորտուգալիայի հավաքականը 3:2 հաշվով կամային հաղթանակ էր տարել Ռոնալդուի հեթ-տրիկի շնորհիվ: Արքայական ակումբի առաջատարը չարտերային չվերթով Հայաստանից հեռացել էր խաղից անմիջապես հետո, իսկ Պորտուգալիայի հավաքականը՝ հաջորդ օրը: 5 խաղից հետո պորտուգալացիները 12 միավորով գլխավորում են I խումբը: Երկրորդ տեղում գտնվող Դանիան ունի 10 միավոր, Ալբանիան՝ 7, իսկ Սերբիան ու Հայաստանը՝ մեկական:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։