Նանջինգ-2014. Վիգեն Խաչատրյանը չհաղթահարեց որակավորման փուլը

Հայաստանը ներկայացնող Վիգեն Խաչատրյանը չհաղթահարեց Չինաստանի Նանջինգ քաղաքում մեկնարկած ամառային պատանեկան Օլիմպիական խաղերի սպորտային մարմնամարզություն բազմամարտի որակավորման փուլի արգելքը:

Խաչատրյանը մասնակցեց 6 վարժություններից միայն չորսին՝ դուրս մնալով հետագա պայքարից: Ազատ վարժությունում նա գրանցել է երրորդ արդյունքը, օղակների վրա՝ չորրորդ, նժույգաթափում՝ 17-րդ, իսկ հենացատկում բաժանել է 2-3-րդ տեղերը: Մյուս 2 վարժությունները Վիգենը բաց է թողել մեջքի ցավի պատճառով: Եզրափակիչ փուլի ուղեգիր նվաճեցին 18 մարզիկներ:

Հիշեցնենք, որ Հայաստանի ներկայացուցիչներից օգոստոսի 17-ին պայքարի մեջ էր մտել նաեւ ձյուդոիստ Հարություն Դերմիշյանը, ով 66 կգ քաշայինների պայքարում գրավել էր 7-րդ տեղը: