Նորվեգիայի Տրոմսյո քաղաքում շարունակվող 41-րդ համաշխարհային շախմատային օլիմպիադայի 5-րդ տուրում տղամարդկանց Հայաստանի հավաքականը կմրցի Նորվեգիայի հետ։
Սպասվում է, որ առաջին խաղատախտակի վրա կմրցեն աշխարհի ուժեղագույն շախմատիստներ Մագնուս Կարլսենը եւ Լեւոն Արոնյանը։ Չորրորդ տուրից հետո Հայաստանն ունի 6, իսկ Նորվեգիան՝ 7 միավոր։ 8-ական միավոր ունեն Սերբիայի, Բուլղարիայի եւ Ադրբեջանի թիմերը։
Կանանց Հայաստանի հավաքականի 5-րդ մրցակիցը Լիտվան է: Թիմերն ունեն 6-ական միավոր։
Հիշեցնենք, որ չորրորդ տուրում տղամարդկանց հավաքականը 4։0 հաշվով հաղթել էր կոստառիկացիներին, իսկ կանանց թիմը 0.5։3.5 հաշվով պարտվել Ինդոնեզիային։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։