Անթալիա. Հայաստան – Ադրբեջան՝ 2:2
22:48 30 նոյեմբերի, 2013Անթալիայում ընթացող շախմատի աշխարհի թիմային առաջնության 5-րդ տուրում Հայաստանի հավաքականը ոչ ոքի խաղաց ոչ ուժեղագույն կազմով հանդես եկող Եվրոպայի նորընծա չեմպիոն Ադրբեջանի թիմի հետ՝ 2:2:
Վերջինը պարտիան ավարտեց աշխարհի գործող չեմպիոն Հայաստանի հավաքականի առաջատար Լեւոն Արոնյանը, ով սպիտակներով ոչ ոքի խաղաց Ռաուֆ Մամեդովի հետ: 5 ժամ 45 րոպե տեւած պարտիան ավարտվեց 127-րդ քայլում: Արոնյանը բաց թողեց առավելությունը:
Ավելի վաղ Վլադիմիր Հակոբյանը սպիտակներով 39-րդ քայլում հաղթել էր Նիջատ Մամեդովին, Սերգեյ Մովսեսյանը 41-րդ քայլում ոչ ոքի էր խաղացել Էլթաջ Սաֆարլիի հետ, իսկ չորրորդ խաղատախտակի վրա հանդես եկող Գաբրիել Սարգսյանը սեւերով 46-րդ քայլում պարտվել էր Վասիֆ Դուրարբեյլիին:
Հայաստանի թիմը հավաքեց 6 միավոր եւ չինացիների ու հոլանդացիների հետ բաժանում է 3-5-րդ տեղերը:
Առաջատար ուկրաինացիները 2.5:1.5 հաշվով հաղթեցին թուրքերին՝ հավաքելով 10 միավոր: Երկրորդ տեղում գտնվող ռուսները 3.5:0.5 հաշվով պարտության մատնեցին գերմանացիներին եւ վաստակեցին 7 միավոր:
Դեկտեմբերի 1-ը հանգստյան օր է: Դեկտեմբերի 2-ին կայանալիք 6-րդ տուրում հայ գրոսմայստերները կխաղան Գերմանիայի հավաքականի հետ:
NEWS.am Sport-ը շախմատի աշխարհի թիմային առաջնությունը լուսաբանում է հայաստանյան «Վիվառո» բուքմեյքերական ընկերության աջակցությամբ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.