Մոուրինյոն ներողություն է հայտնել Պելեգրինիին

23:36   28 հոկտեմբերի, 2013

Լոնդոնի «Չելսին» գլխավորող Ժոզե Մոուրինյոն անգլիական Պրեմյեր լիգայի 9-րդ տուրում դրսեւորած վարքի համար ներողություն է հայտնել «Մանչեսթեր Սիթիի» գլխավոր մարզիչ Մանուել Պելեգրինիին:

Հիշեցնենք, որ 90-րդ րոպեին «Չելսիի» իսպանացի հարձակվող Ֆերնանդո Տորեսի խփած հաղթական գնդակից հետո Մոուրինյոն գոլը տոնել էր «Մանչեսթեր Սիթիի» պահեստայինների նստարանի մոտ գտնվող երկրպագուների հետ: Խաղից հետո Պելեգրինին չէր ցանկացել սեղմել Մոուրինյոյի ձեռքը:

«Եթե նա կարծում է, որ ես ինչ-որ վատ բան եմ արել, ապա ներողություն եմ հայտնում: Խաղի վերջին վայրկյաններին պարտվելն իսկական դրամա է եւ ես ցավակցում եմ Պելեգրինիին: Եթե նա նեղացել է ինձանից, ես դա հասկանում եմ: Ի դեպ, այլ երկրներում մարզիչներն իրար ձեռք սեղմում են միայն խաղից հետո»,- Մոուրինյոյի խոսքը մեջբերում է Le10Sport-ը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։