Մուսա Մուրթազալիեւը արծաթե մեդալ նվաճեց Հայաստանի համար

19:19   22 մարտի, 2013

Հայաստանը ներկայացնող դաղստանցի Մուսա Մուրթազալիեւն արծաթե մեդալ նվաճեց Թբիլիսիում կայացած ազատ ոճի ըմբշամարտի Եվրոպայի առաջնությունում:

84 կգ քաշային կարգում հանդես եկող Մուսա Մուրթազալիեւը եզրափակիչում 0:4 (0:2, 0:2) հաշվով պարտվեց վրացի Դաթո Մարսագիշվիլին: Գոտեմերտը տեւեց 2 մրցափուլ, որոնք ավարտվեցին մարզապալատի աջակցության ներքո հանդես եկող վրացի ըմբիշի հաղթանակով:

Հիշեցնենք, որ մեկնարկային գոտեմարտում Մուրթազալիեւը հաղթել էր սլովակ Միխայել Բոդնարին, քառորդ եզրափակիչում պարտության էր մատնել Ուկրաինայի ներկայացուցիչ Իբրագիմ Ալդատովին, իսկ կիսաեզրափակիչում առավելության էր հասել Պյոտր Յանուլովի նկատմամբ:

Սա Հայաստանի երկրորդ մեդալն էր Եվրոպայի առաջնությունում: Ավելի վաղ 66 կգ քաշային Դավիթ Սաֆարյանը եզրափակիչում հաղթել էր թուրք Յակուպ Գորին՝ հռչակվելով Եվրոպայի չեմպիոն:

Ազատոճայիններն ավարտեցին մրցելույթները: Մարտի 23-ին Թբիլիսիում պայքարի մեջ կմտնեն հունահռոմեական ոճի ըմբիշները:

Ֆոտո` Արսեն Սարգսյան / NEWS.am Sport



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։