ԵԱ. Արման Ավագյանը հաղթեց սփոփիչ գոտեմարտում՝ 12:1
13:41 20 ապրիլի, 2021Հայաստանի ներկայացուցիչ Արման Ավագյանը (79 կգ) հնարավորություն ստացավ բրոնզե մեդալի համար գոտեմարտ անցկացնել Լեհաստանի մայրաքաղաք Վարշավայում ընթացող ազատ ոճի ըմբշամարտի Եվրոպայի առաջնությունում:
Սփոփիչ գոտեմարտում հայ ըմբիշը մրցեց մակեդոնացի Դեյան Միտրովի հետ և հաղթեց ժամանակից շուտ՝ 12:1: Երեկոյան մրցահերթում նա բրոնզե մեդալը կվիճարկի վրացի Նիկա Կենտչաձեի հետ:
Արման Ավագյանն (79 կգ) ապրիլի 19-ին պայքարը սկսել էր 1/8 եզրափակիչից, որտեղ 10:0 հաշվով հաղթել էր Գերմանիան ներկայացնող Էդուարդ Տատարինովին: Քառորդ եզրափակիչում նա 1:11 հաշվով պարտություն էր կրել Սլովակիան ներկայացնող Ախսարբեկ Գուլաևից, որը նվաճել է եզրափակիչի ուղեգիր:
Ապրիլի 20-ին բրոնզե մեդալի համար գոտեմարտ կանցկացնի նաև Արման Անդրեասյանը (70 կգ), որը նախօրեին 2 հաղթանակ տանելուց հետո պարտվել էր կիսաեզրափակիչում: Անդրեասյանի մրցակիցը կլինի մոլդովացի Միխայիլ Սավան:
ԵԱ-ի մեկնարկային օրը Հայաստանն ուներ ևս մեկ ներկայացուցիչ՝ Գևորգ Թադևոսյանը (65 կգ), որը մեկնարկային գոտեմարտում 1:2 հաշվով պարտվել էր ադրբեջանցի Ալի Ռահիմզադեին և լքել պայքարը:
Ազատ ոճի ըմբշամարտի Հայաստանի հավաքականի կազմում մրցավայր է մեկնել նաև նաև Հրայր Ալիխանյանը (74 կգ), որը պայքարի մեջ կմտնի ապրիլի 20-ին՝ 1/8 եզրափակիչում գոտեմարտելով ռուս Ռազամբեկ Ժամալովի հետ: Մարզպետ Գալստյանը (92 կգ) ծնկի վնասվածքի պատճառով բաց է թողնում Եվրոպայի առաջնությունը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.