Ֆուտբոլի Հայաստանի հավաքականի թեկնածու Պետրոս Ավետիսյանը չի շարունակի ելույթները ղազախական «Տոբոլում», hաղորդում է ակումբի մամուլի ծառայությունը:
25-ամյա կիսապաշտպանի պայմանագիրն ավարտվել է և նա ստացել է ազատ գործակալի կարգավիճակ:
«Տոբոլից» ազատ գործակալի կարգավիճակով հեռացել է նաև Հայաստանի հավաքականի պաշտպան Արման Հովհաննիսյանը:
Ավելի վաղ NEWS.am Sport-ը հայտնել էր, որ Պետրոս Ավետիսյանն այս օրերին մարզվում է Երևանի ԲԿՄԱ-ի հետ, որպեսզի մարզավիճակ պահպանի: Նա 2020 թվականի սկզբնամասում էր միացել «Տոբոլին», որի կազմում Ղազախստանի ավարտված առաջնությունում անցկացրել է 12 հանդիպում և դարձել մեկական գոլի ու գոլային փոխանցման հեղինակ:
Հիշեցնենք, որ «Տոբոլը» գլխավորում է հայ մասնագետ Գրիգորի Բաբայանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։