Հայաստանի առաջատար հեծանվորդ Էդգար Ստեփանյանը Ռուսաստանի Օմսկ քաղաքում անցկացվող «Մեծ մրցանակ» վարկանիշային մրցաշարում հաջող է հանդես եկել օմնիումի (հեծանվային բազմամարտ) սկրեչ եւ տեմպո մրցաձեւերում՝ ցուցադրելով լավագույն արդյունքը: Այժմ նա օմնիում մրցաձեւում առաջատարի դիրքում է, հայտնում են Հայաստանի հեծանվային ֆեդերացիայի մամուլի ծառայությունից:
Հիշեցնենք, որ նախորդ ամիս Էդգար Ստեփանյանը դարձել էր Շվեյցարիայում անցկացված հրապարակային հեծանվավազքի Եվրոպայի մինչեւ 23 տարեկանների առաջնության ոսկե մեդալակիր:
Հետևեք NEWS.am SPORT-ին Facebook-ում, Twitter և Telegram-ում