Բուֆոն. Շատ գոհ եմ ՊՍԺ-ում իմ առաջին հանդիպումներից

ՊՍԺ-ի նորեկ, լեգենդար իտալացի դարպասապահ Ջանլուիջի Բուֆոնը մեկնաբանել է իր առաջին հանդիպումները ֆրանսիական թիմում:

ՊՍԺ-ն Ֆրանսիայի Սուպերգավաթի խաղում 4:0 հաշվով հաղթել է «Մոնակոյին», իսկ Ֆրանսիայի առաջնության մեկնարկային տուրում 3:0 հաշվով պարտության է մատնել «Կանին»:

«Ես շատ գոհ եմ, քանի որ հաղթեցինք նաեւ երկրորդ խաղում, եւ ես դարձյալ գոլ բաց չթողեցի:

ՊՍԺ-ում առանձնահատուկ էներգետիկա է: Ես ուրախ եմ խաղալ այստեղ»,- Բուֆոնի խոսքը մեջբերում է L'Equipe-ը:

Հիշեցնենք, որ 40-ամյա Բուֆոնն այս ամռանն է տեղափոխվել ՊՍԺ: 2001 թվականից նա հանդես էր գալիս Թուրինի «Յուվենտուսում»:

Հետևեք NEWS.am SPORT-ին Facebook-ում, Twitter և Telegram-ում