Ֆուտբոլի Շվեդիայի մինչեւ 21 տարեկանների առաջնության չորրորդ տուրում «Յուրգորդենի» երիտասարդական թիմը 2:2 հաշվով է ավարտել «Էսկիլստունի» հետ տնային հանդիպումը (տեսանյութ):
«Յուրգորդենի» նորեկ Յուրա Մովսիսյանը դաշտի տերերի մեկնարկային կազմում մասնակցել է ամբողջ խաղին:
Հիշեցնենք, որ Հայաստանի հավաքականի թեկնածուն «Յուրգորդենի» գլխավոր թիմում նորամուտը նշել էր ԱԻԿ-ի դեմ Շվեդիայի առաջնության երրորդ տուրի խաղում (0:2), որը կայացել էր ապրիլի 15-ին: 30-ամյա հարձակվողը փոխարինման էր դուրս եկել 76-րդ րոպեին, իսկ ավելացված ժամանակում ստացել էր կարմիր քարտ: Նա դաշտ էր դուրս եկել 19 համարի մարզաշապիկով:
Յուրա Մովսիսյանը վերջերս «Յուրգորդենի» հետ կնքել էր 6 ամսվա պայմանագիր, որն ունի երկարաձգելու հնարավորություն։ Հայ հարձակվողի նախորդ ակումբն էր ամերիկյան «Ռեալ Սոլթ Լեյքը», որին նա միացել էր 2016-ին։ Նախկինում նա հանդես է եկել նաեւ ամերիկյան «Կանզաս Սիթիում», դանիական «Ռանդերսում», ռուսական «Կրասնոդարում» ու «Սպարտակում»։ «Ռեալ Սոլթ Լեյքի» կազմում հարձակվողը խաղացել էր նաեւ 2007-2009-ը։
Հետևեք NEWS.am SPORT-ին Facebook-ում, Twitter և Telegram-ում
01:01 , 9 մայիսի 
00:28 , 9 մայիսի 
23:47 , 8 մայիսի 
22:41 , 8 մայիսի 
21:56 , 8 մայիսի 
21:15 , 8 մայիսի 
20:51 , 8 մայիսի 
20:10 , 8 մայիսի 
19:47 , 8 մայիսի 
19:17 , 8 մայիսի 
