36 տարեկանում մահացել է «Մանչեսթեր Յունայթեդի» եւ Իռլանդիայի ազգային հավաքականի նախկին ֆուտբոլիստ, կիսապաշտպան Լիամ Միլերը: 2017թ. նոյեմբերին նրա մոտ ախտորոշվել էր ենթաստամոքսային գեղձի քաղցկեղ, հաղորդում է Daily Mail-ը:
Լիամ Միլերը կարիերայի ընթացքում հանդես է եկել նաեւ «Սելթիկում», «Լիդսում», «Սանդերլենդում», «Քուինզ Պարկ Ռեյնջերսում», «Հիբերնիանում»: 2004 թվականին «Սելթիկի» հետ նա դարձել է Շոտլանդիայի չեմպիոն:
Իռլանդիայի հավաքականում Լիամ Միլերն անցկացրել է 21 հանդիպում:
Ֆուտբոլիստի նախկին ակումբները ցավակցել են նրա ընտանիքին եւ ընկերներին:
Հետևեք NEWS.am SPORT-ին Facebook-ում, Twitter և Telegram-ում