22:02  ,  17 հունվարի, 2018

«Արսենալն» ու Հենրիխ Մխիթարյանը կկնքեն 4 տարվա պայմանագիր

Լոնդոնի «Արսենալն» ու Հայաստանի հավաքականի կիսապաշտպան Հենրիխ Մխիթարյանը համաձայնության են հասել անձնական պայմանագրի վերաբերյալ, հաղորդում է transferchecker-ը:

Կողմերը կկնքեն չորս տարվա պայմանագիր: Մխիթարյանի շաբաթական աշխատավարձը «Արսենալում» կկազմի 130 հազար ֆունտ ստերլինգ, գումարած բոնուսներ:

Հիշեցնենք, որ Հենրիխ Մխիթարյանի տեղափոխությունը «Մանչեսթեր Յունայթեդից» «Արսենալ» ներառված է լոնդոնի ակումբի չիլիացի կիսապաշտպան Ալեքսիս Սանչեսի տրանսֆերի գործարքում: Սանչեսը պորտուգալացի Ժոզե Մոուրինյոյի գլխավորած թիմի հետ կկնքի 4.5 տարվա պայմանագիր եւ կստանա տարեկան 14 միլիոն ֆունտ ստերլինգ հարկերի վճարումից հետո:

Հետևեք NEWS.am SPORT-ին Facebook-ում, Twitter և Telegram-ում