«Մանչեսթեր Յունայթեդի» կիսապաշտպան Հենրիխ Մխիթարյանը ցանկություն ունի վերադառնալ Դորտմունդի «Բորուսիա», որի կազմում հանդես է եկել 2013-2016-ը, հաղորդում է գերմանականBild-ը:
Հայաստանի հավաքականի 28-ամյա ֆուտբոլիստը դժգոհ է անգլիական ակումբում իր կարգավիճակից եւ ցանկանում է հեռանալ: Ավելի վաղ «Բորուսիայի» գլխավոր տնօրեն Հանս-Յահիմ Վացկեն նշել էր, որ Հենրիխ Մխիթարյանի վերադարձը գրեթե անհավանական է:
Բրիտանական մամուլի համաձայն՝ Մխիթարյանի ծառայություններով հետաքրքրված են 10 ակումբներ, որոնցից չորսը ներկայացնում են Անգլիայի Պրեմյեր լիգան:
«Բորուսիայի» կազմում հայ ֆուտբոլիստը 2013-2016-ն անցկացրել է 140 հանդիպում՝ դառնալով 41 գոլի եւ 49 գոլային փոխանցման հեղինակ։ Նրա գործող պայմանագիրը «Մանչեսթեր Յունայթեդի» հետ նախատեսված է մինչեւ 2020 թվականի ամառը:
Հիշեցնենք, որ ավելի վաղ «Մանչեսթեր Յունայթեդի» գլխավոր մարզիչ Ժոզե Մոուրինյոն հայտարարել էր, որ ձմռանն անգլիական ակումբը կփորձի վաճառել հայ կիսապաշտպանին։ Մխիթարյանի տրանսֆերային արժեքը մանչեսթերցիները գնահատում են 35 միլիոն ֆունտ ստերլինգ։
Հետևեք NEWS.am SPORT-ին Facebook-ում, Twitter և Telegram-ում
14:06 , 7 մայիսի 
13:45 , 7 մայիսի 
13:22 , 7 մայիսի 
12:48 , 7 մայիսի 
12:14 , 7 մայիսի 
11:45 , 7 մայիսի 
11:09 , 7 մայիսի 
10:47 , 7 մայիսի 
10:12 , 7 մայիսի 
09:44 , 7 մայիսի 
