Մադրիդի «Ռեալի» ֆրանսիացի գլխավոր մարզիչ Զինեդին Զիդանը մտադրություն չունի ձմեռային տրանսֆերային պատուհանի ժամանակ համալրում ունենալ հարձակման գծում, թեեւ Արքայական ակումբի ղեկավարությունը իսպանացի Ալվարո Մորատայի հեռանալուց հետո ցանկանում է ձեռք բերել եւս մեկ հարձակվողի, գրում է Marca-ն:
Զիդանը վստահում է ֆրանսիացի հարձակվող Քարիմ Բենզեմային եւ այդ մասին հայտնել է ակումբի նախագահ Ֆլորենտինո Պերեսին եւ գլխավոր տնօրեն Խոսե Անխել Սանչեսին:
Այդ մասին Զիդանը խոսել է նաեւ ասուլիսում: Պատասխանելով լրագրողների հարցերին՝ նա հաստատել է, որ ղեկավարությունից չի պահանջում ձեռք բերել նոր հարձակվողի:
Հետևեք NEWS.am SPORT-ին Facebook-ում, Twitter և Telegram-ում