Ֆուտբոլի Հայաստանի ազգային հավաքականը ժամանել է Ղազախստանի մայրաքաղաք Աստանա, որտեղ հոկտեմբերի 8-ին կկայանա ղազախների դեմ աշխարհի առաջնության ընտրական փուլի վերջին տուրի հանդիպումը: Հայկական թիմը հանգրվանել է Աստանայի «Ռից Կառլտոն» հյուրանոցում, հայտնում է ՀՖՖ կայքը:
Հոկտեմբերի 7-ին՝ Երեւանի ժամանակով 18:30-ին Հայաստանի թիմը նախախաղային մարզում կանցկացնի «Աստանա Արենա» ստադիոնում: Մարզումից առաջ կկայանա Հայաստանի հավաքականի գլխավոր մարզիչ Արթուր Պետրոսյանի նախախաղային մամուլի ասուլիսը:
Հիշեցնենք, որ Հայաստանի հավաքականի կազմում չարտերային չվերթով Աստանա էին մեկնել 23 ֆուտբոլիստներ:
Դարպասապահներ
Գրիգոր Մելիքսեթյան, «Գանձասար-Կապան»
Արսեն Բեգլարյան, «Ալաշկերտ»
Գոռ Մանուկյան, «Փյունիկ»
Պաշտպաններ
Տարոն Ոսկանյան, «Նեա Սալամիս» (Կիպրոս)
Վարազդատ Հարոյան, «Ուրալ» (Ռուսաստան)
Գաել Անդոնյան, «Մարսել» (Ֆրանսիա)
Հովհաննես Համբարձումյան, «Վարդար» (Մակեդոնիա)
Կամո Հովհաննիսյան, «Տորպեդո-Բելազ» (Բելառուս)
Գագիկ Դաղբաշյան, «Ալաշկերտ»
Արտյոմ Միքայելյան, «Շիրակ»
Ռոբերտ Դարբինյան, «Շիրակ»
Կիսապաշտպաններ
Հենրիխ Մխիթարյան, «Մանչեսթեր Յունայթեդ» (Անգլիա)
Գոռ Մալաքյան, «Ստալ» (Ուկրաինա)
Էդգար Մալաքյան, «Ստալ» (Ուկրաինա)
Մարկոս Պիզելի, «Ալ-Շաբաբ» (Սաուդյան Արաբիա)
Գեղամ Կադիմյան, «Վորսկլա» (Ուկրաինա)
Էդգար Մանուչարյան, «Ուրալ» (Ռուսաստան)
Արտակ Եդիգարյան, «Ալաշկերտ»
Արտակ Գրիգորյան, «Ալաշկերտ»
Արտյոմ Սիմոնյան, «Ալաշկերտ»
Հարձակվողներ
Տիգրան Բարսեղյան, «Վարդար» (Մակեդոնիա)
Ռուսլան Կորյան, «ԲՄԱ-Խաբարովսկ» (Ռուսաստան)
Սարգիս Ադամյան, «Յան Ռեգենսբուրգ» (Գերմանիա)
Հիշեցնենք, որ առաջին շրջանում Հայաստանի հավաքականը ղազախներին հաղթել է 2:0 հաշվով: 2 թիմերն էլ զրկվել են ԱԱ-2018-ի եզրափակիչ մրցաշարի ուղեգիր նվաճելու հնարավորությունից: Վերջին տուրից առաջ E խմբի առաջատար Լեհաստանի հավաքականն ունի 22 միավոր, Դանիան՝ 19, Չեռնոգորիան՝ 16, Ռումինիան՝ 12, Հայաստանը՝ 6, իսկ Ղազախստանը՝ 2:
Հետևեք NEWS.am SPORT-ին Facebook-ում, Twitter և Telegram-ում