Xabi Alonso confirms his next step in football. pic.twitter.com/Myqj7A20sR
— Squawka News (@SquawkaNews) 25 сентября 2017 г.
Իսպանիայի հավաքականի նախկին կիսապաշտպան Խաբի Ալոնսոն որոշել է զբաղվել մարզչական գործունեությամբ:
«Ես անցկացրել եմ 17 տարի ֆուտբոլում եւ կողմնորոշվել եմ իմ ապագայի հարցում՝ որոշել եմ դառնալ մարզիչ: Մանրամասները կլինեն ավելի ուշ»,- ասել է 35-ամյա Ալոնսոն Ինստագրամում հրապարակած տեսաուղերձում:
Հիշեցնենք, որ աշխարհի չեմպիոնն ու Եվրոպայի կրկնակի ոսկե մեդալակիրը անցած մրցաշրջանից հետո ավարտեց կարիերան: Նրա վերջին ակումբը Մյունխենի «Բավարիան» էր: Մինչեւ Գերմանիա տեղափոխվելը Խաբի Ալոնսոն հանդես է եկել նաեւ իսպանական «Ռեալ Սոսյեդադում», «Էյբարում», «Ռեալում», անգլիական «Լիվերպուլում»: Ալոնսոն դարձել է Չեպիոնների լիգայի կրկնակի գավաթակիր, Եվրոպայի սուպերգավաթակիր, Իսպանիայի եւ Գերմանիայի չեմպիոն, Անգլիայի, Իսպանիայի եւ Գերմանիայի գավաթակիր եւ սուպերգավաթակիր:
Հետևեք NEWS.am SPORT-ին Facebook-ում, Twitter և Telegram-ում