Ռոնալդուի վերադարձը չօգնեց, «Ռեալը» բաց թողեց ավելացված չորրորդ րոպեին եւ պարտվեց

Իսպանիայի առաջնության 5-րդ տուրում Մադրիդի «Ռեալը» հյուրընկալեց «Բետիսին»: Որակազրկման պատճառով առաջնության մեկնարկը բաց թողած պորտուգալացի հարձակվող Կրիշտիանու Ռոնալդուն Արքայական թիմի մեկնարկային կազմում էր, սակայն գոլ խփել նրան չհաջողվեց: Ֆրանսիացի Զինեդին Զիդանի գլխավորած թիմը պարտվեց 0:1 հաշվով ավելացված չորրորդ րոպեին բաց թողած գոլի հետեւանքով::

«Ռեալը» 8 միավորով 7-րդ տեղում է, 9-ական միավոր ունեն «Վալենսիան», «Ռեալ Սոսյեդադը» եւ «Բետիսը»: Մադրիդի «Աթլետիկոն» 11 միավորով երրորդն է:

«Սեւիլիան» նվազագույն հաշվով հաղթեց «Լաս Պալմասին» եւ 13 միավորով բարձրացավ երկրորդ տեղ՝ առաջատար «Բարսելոնային» զիջելով 2 միավոր:

Իսպանիայի առաջնություն, 5-րդ տուր

«Ռեալ» - «Բետիս»՝ 0:1

Առնալդո Անտոնիո Սանաբրիա, 90+4

«Սեւիլիա» - «Լաս Պալմաս»՝ 1:0

Խեսուս Նավաս, 83

Հետևեք NEWS.am SPORT-ին Facebook-ում, Twitter և Telegram-ում