Թբիլիսիում ավարտին մոտեցող շախմատի աշխարհի գավաթի խաղարկության կիսաեզրափակիչում հայկական շախմատի առաջատար Լեւոն Արոնյանի մրցակիցը կլինի Մաքսիմ Վաշյե-Լագրավը: Ֆրանսիացի գրոսմայստերը թայ-բրեյքում առավելության է հասել ռուսաստանցի Պետր Սվիդլերի նկատմամբ՝ 1.5:0.5: Երկու դասական պարտիաներում գրանցվել էր ոչ ոքի:
Եզրափակիչի մյուս ուղեգիրը կվիճարկեն ամերիկացի Ուեսլի Սոն եւ չինացի Դին Լիրենը:
Կիսաեզրափակիչի առաջին դասական պարտիաները տեղի կունենան սեպտեմբերի 19-ին:
Հիշեցնենք, որ քառորդ եզրափակիչում Լեւոն Արոնյանը պայքարից դուրս էր թողել ուկրաինացի Վասիլի Իվանչուկին՝ 1.5:0.5:
Հետևեք NEWS.am SPORT-ին Facebook-ում, Twitter և Telegram-ում