«Մանչեսթեր Յունայթեդի» ֆուտբոլիստները ժամանել են Լոս Անջելես, որտեղից կսկսեն ամերիկյան շրջագայությունն ու հավաքը:
Անգլիական ակումբի կազմում ԱՄՆ են մեկնել 27 ֆուտբոլիստներ, այդ թվում՝ Հայաստանի ազգային հավաքականի կիսապաշտպան Հենրիխ Մխիթարյանը: Սպասվում է, որ «Էվերտոնից» տեղափոխված բելգիացի հարձակվող Ռոմելու Լուկակուն մանչեսթերյան ակումբին կմիանա Լոս Անջելեսում:
«Մանչեսթեր Յունայթեդն» ԱՄՆ-ում առաջին ընկերական խաղը կանցկացնի հուլիսի 15-ին` ուժերը չափելով «Լոս Անջելես Գելաքսիի» հետ: Հուլիսի 17-ին Ժոզե Մոուրինյոյի թիմի մրցակիցը կլինի «Ռեալ Սոլթ Լեյքը», հուլիսի 20-ին՝ անգլիական «Մանչեսթեր Սիթին», հուլիսի 23-ին՝ Մադրիդի «Ռեալը», հուլիսի 26-ին՝ «Բարսելոնան»: ԱՄՆ-ից վերադառնալուց հետո «Մանչեսթեր Յունայթեդը» հուլիսի 30-ին Օսլոյում խաղալու է նորվեգական «Վոլերենգայի» հետ, իսկ օգոստոսի 2-ին Դուբլինում հանդիպելու է իտալական «Սամպդորիային»:
Հետևեք NEWS.am SPORT-ին Facebook-ում, Twitter և Telegram-ում