«Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը Եվրոպայի լիգայի եզրափակիչ դուրս գալու կապակցությամբ շնորհակալություն է հայտնել երկրպագուներին:
«Երբ երեխա էի, կարող էի միայն երազել, որ մի օր դուրս կգամ մեծ եվրոպական եզրափակիչ: Շնորհակալություն յուրաքանչյուրին, ով «Օլդ Տրաֆորդում» երեկ աջակցել է մեզ»,-Թվիթերում գրել է Մխիթարյանը՝ հրապարակելով մանկության տարիների լուսանկար Մոսկվայի «Լուժնիկի» ստադիոնից:
Մայիսի 24-ին Ստոկհոլմում կայանալիք Եվրոպայի լիգայի եզրափակիչում «Մանչեսթեր Յունայթեդը» կմրցի Ամստերդամի «Այաքսի» հետ:
Հետևեք NEWS.am SPORT-ին Facebook-ում, Twitter և Telegram-ում