Բրիտանական հեղինակավոր Independent պարբերականը բացառիկ ռեպորտաժով անդրադարձել է Արցախում ֆուտբոլի վիճակին: Հոդվածագիրը պատմում է, թե ինչպես է չճանաչված պետությունը ձգտում անդամակցել ՖԻՖԱ-ին եւ ՈւԵՖԱ-ին եւ հնարավորություն ստանալ մասնակցել այդ կազմակերպությունների մրցաշարերին: Արցախը մտադիր է ազգային հավաքականի մակարդակով մասնակցել միջազգային մրցաշարերի: Արդեն մի քանի տարի գոյություն ունի «Արցախ» ֆուտբոլային ակումբը, որը սակայն զրկված է Հայաստանի առաջնությանը մասնակցելու հնարավորությունից:
«Առայժմ բավարարվում ենք Հայաստանի եւ Վրաստանի թիմերի հետ ընկերական հանդիպումներով»,- ասել է ՈւԵՖԱ-ի Pro արտոնագիր ստացած մարզիչ Սլավա Գաբրիելյանը:
Արցախի ֆուտբոլի ֆեդերացիայի նախագահ Սամվել Կարապետյանը նշել է, որ այս տարի Արցախ կայցելեն օտարերկրացի մասնագետներ, որոնք իրենց փորձը կփոխանցեն արցախցի մարզիչներն եւ մարզումներ կանցկացնեն տեղի երեխաների հետ:
Ստեփանակերտ այցելած լրագրող Ռոբերտ Օ՝Քոնորն անդրադարձել է նաեւ եվրոպական ակումբային մրցաշարերի մասնակից ադրբեջանական «Ղարաբաղ» ֆուտբոլային թիմին: Նրա կարծիքով «Ղարաբաղը» խաղաքար է ադրբեջանական իշխանությունների համար, որոնք նավթային փողերով փորձում են իրենց իշխանությունը ցույց տալ Արցախի նկատմամբ:
«Կարծում ենք, որ ֆուտբոլը կապ չունի քաղաքականության հետ: Ադրբեջանը ոչ մի իրավունք չունի որոշելու, թե մեր երեխաները պետք է ֆուտբոլ խաղան, թե ոչ»,- նշել է Արցախի ֆուտբոլի ֆեդերացիայի գլխավոր քարտուղար Կարեն Վանյանը:
Հոդվածի հեղինակը հույս է հայտնում, որ շուտով արցախցի ֆուտբոլիստները հնարավորություն կստանան իրենց դրսեւորել միջազգային ասպարեզում:
Հետևեք NEWS.am SPORT-ին Facebook-ում, Twitter և Telegram-ում
23:11 , 10 մայիսի 
22:32 , 10 մայիսի 
22:05 , 10 մայիսի 
21:34 , 10 մայիսի 
21:07 , 10 մայիսի 
20:56 , 10 մայիսի 
20:33 , 10 մայիսի 
20:08 , 10 մայիսի 
19:35 , 10 մայիսի 
19:10 , 10 մայիսի 
