Ուկրաինացի Վասիլի Իվանչուկի հաղթանակով ավարտվեց Քաթարի մայրաքաղաք Դոհայում անցկացված արագ շախմատի աշխարհի առաջնությունը: Իվանչուկը 15 հնարավորից վաստակեց 11 միավոր: Երկրորդ եւ երրորդ տեղերում են ռուսաստանցի Ալեքսանդր Գրիշչուկն ու աշխարհի չեմպիոն Մագնուս Կարլսենը, որոնք եւս վաստակել են 11-ական միավոր:
Հայկական շախմատի առաջատար Լեւոն Արոնյանը 9.5 միավորով գրավեց 9-րդ տեղը: Հայ գրոսմայստերը տարավ 6 հաղթանակ, այդ թվում Իվանչուկի նկատմամբ:
Հրանտ Մելքումյանը 9 միավորով զբաղեցրեց 15-րդ տեղը, Վլադիմիր Հակոբյանը վաստակեց 7.5 միավոր եւ գրավեց 50-րդ տեղը:
Հետևեք NEWS.am SPORT-ին Facebook-ում, Twitter և Telegram-ում