Քաթարի մայրաքաղաք Դոհայում ընթացող Qatar Masters Open 2015 շախմատային սուպերմրցաշարում Հայաստանը ներկայացնում է գրոսմայստեր Վլադիմիր Հակոբյանը։
Առաջին երեք տուրերում հայ գրոսմայստերը տարել է երկու հաղթանակ, մեկ պարտիա ավարտել է ոչ ոքի եւ 2,5 միավորով բաժանում է 3-16-րդ տեղերը։ Նույնքան միավոր ունի նաեւ աշխարհի չեմպիոն, նորվեգացի Մագնուս Կարլսենը։
Առաջատարներն են երեքական հաղթանակ տարած Անիշ Գիրին (Հոլանդիա) եւ Չաո Լին (Չինաստան)։
Հետևեք NEWS.am SPORT-ին Facebook-ում, Twitter և Telegram-ում