Ռուսաստանը ներկայացնող Սեդա Թութխալյանը սպորտային մարմնամարզության հենացատկում նվաճեց Բաքվում ընթացող Եվրոպայի խաղերի փոխչեմպիոնի տիտղոսը: Ոսկե մեդալակիր դարձավ շվեյցարացի Ջուլիա Շտայնգրուբերը, երրորդ տեղում է հոլանդացի Լիզա Թոպը:
Սեդա Թութխալյանը Ռուսաստանի հավաքականի կազմում նվաճել էր նաեւ Եվրոպական խաղերի չեմպիոնի տիտղոսը:
15-ամյա Սեդա Թութխալյանը 2015թ. պատանեկան օլիմպիական չեմպիոն է: Նա սամբոյի աշխարհի եւ ԽՍՀՄ-ի եռակի չեմպիոն Գուրգեն Թութխալյանի դուստրն է: Սեդան Մոսկվայում 7 տարեկանից է սկսել մարզվել սպորտային մարմնամարզությամբ:
Հետևեք NEWS.am SPORT-ին Facebook-ում, Twitter և Telegram-ում